«Уокинг» клуби расмий сайтида Англия терма жамоасининг собиқ ҳужумчиси Жермейн Дефонинг бош мураббийлик лавозимини тарк этганини эълон қилди. Томонлар шартнома имзоланганидан тўрт ой ўтар-ўтмас келишувни ўзаро розилик билан бекор қилишди.

Дефо қўл остида жамоа икки бор ғалаба қозонди, уч марта дуранг ўйнади ва бир бор мағлубиятга учраб, мавсумни 10-ўринда якунлади. Мавсумолди тайёргарлик жараёнидаги ўртоқлик ўйинларида «Уокинг» «Шолинг»ни мағлуб этди ва «Портсмут»га имкониятни бой берди.

Аввалроқ Дефо «Тоттенхэм» академиясида мураббий бўлиб ишлаган, шунингдек, «Рейнджерс»да Стивен Жеррарднинг ассистенти бўлган эди.

Футболчилик фаолияти давомида ҳужумчи «Вест Хэм», «Борнмут», «Тоттенхэм», «Портсмут», «Сандерленд», «Торонто» ва «Рейнджерс» клубларида тўп сурган.