Madridning «Atletiko» klubi futbolkalari savdosi koreyalik yarim himoyachi Li Kan Inning «PSJ»dan o‘tishi haqidagi mish-mishlar fonida keskin oshdi. Marca nashrining xabar berishicha, faqatgina barcha hujjatlarning yakuniy tayyorlanishi transferning rasmiy e’lonini kechiktirmoqda.

Manba berayotgan ma’lumotlarga ko‘ra, Li Kan In bir haftadan ko‘proq vaqt oldin tibbiy ko‘rikdan o‘tib bo‘lgan. Uning «Atletiko» bilan shartnoma shartlari, shu jumladan bu holatda muhim rol o‘ynaydigan imij huquqlaridan foydalanishning mayda tafsilotlari to‘liq kelishib olingan.

Xabar qilinishicha, «Atletiko»ning klub atributikasi savdosi Janubiy Koreyada ham, Madridda ham keskin oshgan. Madriddagi klub do‘konlariga yangi futbolchi qaysi raqamda o‘ynashi bilan qiziqib kelayotgan xaridorlar oqimi uzilmayapti.