Arda Gyuler ta’tildan qaytgach, Madridning «Real» klubi yangi murabbiylar shtabida katta taassurot qoldirdi. Bu haqda AS nashri xabar bermoqda.

Turkiyalik yarim himoyachi jamoa futbolchilari orasida birinchi bo‘lib mavsumoldi tayyorgarlikka yetib keldi va darhol ajoyib jismoniy holatda ekanini ko‘rsatdi. Valdebebasdagi dastlabki mashg‘ulotlardan so‘ng murabbiylar shtabi vakillaridan biri o‘z hayratini yashirmay, Gyuler maydonda «uchayotganini» ta’kidladi.

O‘tgan mavsumda 21 yoshli futbolchi 51 ta o‘yinda maydonga tushib, 6 ta gol urdi va 14 ta golli uzatmaga mualliflik qildi.

O‘ng qanotdagi o‘rin uchun raqobat odatdagidan ko‘ra jiddiyroq bo‘ladi — «Real» Bernardu Silva bilan kuchaydi, ijaradan Endrik qaytdi, shuningdek tarkibda Franko Mastantuono, Braim Dias va Rodrigo qolmoqda.