Italiyaning «Inter» klubi himoyachisi Alessandro Bastonining kelajagi atrofida turli xabarlar tarqalmoqda.

AS nashrining xabar berishicha, Milan klubi joriy yozgi transfer oynasida 27 yoshli himoyachini taxminan 70 million yevro evaziga sotishga tayyor.

Ammo futbolchining agenti ushbu mish-mishlarni rad etib, hozirda hech qanday aniq muzokaralar olib borilmayotganini ma’lum qildi:

«Mijozimning «Inter» bilan yana 2 yillik shartnomasi bor. U ushbu klubni juda yaxshi ko‘radi, shu sababli ayni damda boshqa jamoaga o‘tish variantini ko‘rib chiqmayapti.

Agar kelajakda ham «Inter»ni, ham Bastonini qoniqtiradigan taklif tushsa, ehtimoliy bitimni muhokama qilishimiz mumkin. Lekin hozircha Bastonining «Inter»dan ketishi bo‘yicha hech qanday aniqlik yoki real muzokaralar mavjud emas», — deydi agent.