Италиянинг «Интер» клуби ҳимоячиси Алессандро Бастонининг келажаги атрофида турли хабарлар тарқалмоқда.

AS нашрининг хабар беришича, Милан клуби жорий ёзги трансфер ойнасида 27 ёшли ҳимоячини тахминан 70 миллион евро эвазига сотишга тайёр.

Аммо футболчининг агенти ушбу миш-мишларни рад этиб, ҳозирда ҳеч қандай аниқ музокаралар олиб борилмаётганини маълум қилди:

«Мижозимнинг «Интер» билан яна 2 йиллик шартномаси бор. У ушбу клубни жуда яхши кўради, шу сабабли айни дамда бошқа жамоага ўтиш вариантини кўриб чиқмаяпти.

Агар келажакда ҳам «Интер»ни, ҳам Бастонини қониқтирадиган таклиф тушса, эҳтимолий битимни муҳокама қилишимиз мумкин. Лекин ҳозирча Бастонининг «Интер»дан кетиши бўйича ҳеч қандай аниқлик ёки реал музокаралар мавжуд эмас», — дейди агент.