Milliy chempionatimizda davom etayotgan yozgi transfer oynasi vaqtida «Navbahor» tarkibida navbatdagi o‘zgarish yuz berdi. 26 yoshli mahoratli yarim himoyachi Shohmalik Komilov Namangan klubi safini tark etdi.
«Lochinlar» tarkibiga 2025 yilgi mavsum boshida kelib qo‘shilgan futbolchi ortda qolgan 1,5 mavsum davomida Namangan jamoasi libosida Superliga va O‘zbekiston kubogi bahslarida jami 41 ta uchrashuvda maydonga tushgan. Ushbu o‘yinlarda Komilov o‘z hisobiga 3 ta gol va 5 ta golli uzatmani yozdirib qo‘yishga muvaffaq bo‘ldi.
«Biz jamoamiz safida o‘tkazgan o‘yinlari uchun Shohmalik Komilovga minnatdorchilik bildirib, uning kelgusi faoliyatida omad va zafarlar tilab qolamiz», — deyiladi «Navbahor» PFK matbuot xizmati tomonidan berilgan rasmiy axborotda.
