«Barselona» bosh murabbiyi Xansi Flik mavsum oldi tayyorgarlik mashg‘ulotlari va o‘yinlarida yarim himoyachi Brayan Farinyasning ko‘rsatgan o‘yinidan juda hayratda qoldi. Nemis mutaxassisining talabi bilan futbolchining «Jirona»ga o‘tishi kutilayotgan transferi to‘xtatildi.

Shundan so‘ng Kataloniya klubi sport direktori Deku 20 yoshli futbolchining agenti bilan uchrashib, uning kelajagi bo‘yicha muzokaralar o‘tkazdi.

Hozirda «Barselona»ning rejasi quyidagicha:

• Farinyas mavsum oldi tayyorgarlikning to‘liq bosqichini asosiy jamoa bilan o‘tkazadi;

• Shundan so‘ng u Xansi Flik qo‘l ostida asosiy tarkibda qoladi yoki yuqoriroq darajadagi va raqobat kuchli bo‘lgan boshqa klubga ijaraga beriladi;

• Klub uni qaytadan «Barsa Atletik» (o‘rinbosarlar) tarkibiga qaytarish variantini mutlaqo ko‘rib chiqmayapti.