Mark van Bommel Belgiya terma jamoasi bosh murabbiyi etib tayinlangani haqida fikr bildirdi.
Avvalroq 49 yoshli niderlandiyalik mutaxassis 2028 yilgi Yevropa chempionati yakuniga qadar mo‘ljallangan shartnomaga imzo chekkani xabar qilingan edi. «Barselona» va «Bavariya»ning sobiq futbolchisi 15 avgustdan rasman o‘z vazifasiga kirishadi.
«Belgiya terma jamoasi bosh murabbiyi bo‘lish men uchun katta sharaf. Menga bildirilgan ishonch uchun Belgiya Qirollik futbol assosiasiyasiga minnatdorchilik bildirmoqchiman.
Belgiyada ajoyib futbolchilar va juda katta potensial mavjud. Murabbiylar shtabim bilan birgalikda eng kuchli terma jamoalar bilan raqobatlasha oladigan, tartibli, ambisiyali va jasur jamoa tuzishni maqsad qilganmiz.
Muvaffaqiyatga hech qachon kafolat berib bo‘lmaydi, ammo mashaqqatli mehnat, halollik va o‘z ishiga fidoyilik kafolatlanadi. Biz ushbu jamoaning har kuni rivojlanishiga va Belgiya xalqi biz bilan faxrlanishiga erishish uchun qo‘limizdan kelgan barcha imkoniyatni ishga solamiz.
Futbolchilar, xodimlar va muxlislar bilan ko‘rishishni hamda ushbu yangi sahifani birgalikda boshlashni sabrsizlik bilan kutyapman», — dedi van Bommel.
