Mavjud ma’lumotlarga ko‘ra, Milanning «Inter» klubi «Tottenxem» kapitani Kristian Romeroni o‘z safiga qo‘shib olish bo‘yicha taklif tayyorlamoqda.

28 yoshli futbolchi shu yozda «Tottenxem»ni tark etishi mumkin, mish-mishlar argentinalik himoyachini Yevropaning bir nechta grand klublari bilan bog‘lamoqda. Avvalroq matbuotda «Barselona», «Real» va «Atletiko» tomonidan qiziqish borligi haqida yozilgan edi.

Jurnalist Nikolo Skiraning xabariga ko‘ra, «Inter» Romeroni majburiy sotib olish huquqi bilan ijaraga olishni rejalashtirmoqda. Italiyaliklar futbolchiga 2031 yilgacha mo‘ljallangan shartnoma taklif qilishga tayyor. Transfermarkt portali argentinalikni 50 million yevroga baholamoqda. Himoyachining London klubi bilan amaldagi shartnomasi 2029 yilning yozigacha mo‘ljallangan.