«Bornmut» yarim himoyachisi Aleks Skott top-klublar e’tiborini tortishda davom etmoqda.

CaughtOffside xabariga ko‘ra, «giloslar» o‘z futbolchisini qo‘yib yuborishni istamayotganiga qaramay, «Chelsi» yosh iqtidor egasini o‘z safiga qo‘shib olishga harakat qilmoqda. «Ko‘klar» Skottning transferi bo‘yicha taklifini 70 million funt sterlinggacha oshirishdi. Shu bilan birga, yarim himoyachi uchun kurashda «Liverpul» va «Arsenal» ham ishtirok etmoqda.

Aleks Skott 2023 yilda 23 million yevro evaziga «Bristol»dan «Bornmut»ga o‘tgan edi. Uning amaldagi shartnomasi 2028 yilning 30 iyunigacha mo‘ljallangan. 2025/26 yilgi mavsumda yarim himoyachi klub miqyosida barcha turnirlarda 39 ta o‘yinda maydonga tushib, 4 ta gol urdi va 1 ta golli uzatma amalga oshirdi. Transfermarkt portali Skottning qiymatini 50 million yevroga baholamoqda.