«Борнмут» ярим ҳимоячиси Алекс Скотт топ-клублар эътиборини тортишда давом этмоқда.

CaughtOffside хабарига кўра, «гилослар» ўз футболчисини қўйиб юборишни истамаётганига қарамай, «Челси» ёш иқтидор эгасини ўз сафига қўшиб олишга ҳаракат қилмоқда. «Кўклар» Скоттнинг трансфери бўйича таклифини 70 миллион фунт стерлинггача оширишди. Шу билан бирга, ярим ҳимоячи учун курашда «Ливерпуль» ва «Арсенал» ҳам иштирок этмоқда.

Алекс Скотт 2023 йилда 23 миллион евро эвазига «Бристоль»дан «Борнмут»га ўтган эди. Унинг амалдаги шартномаси 2028 йилнинг 30 июнигача мўлжалланган. 2025/26 йилги мавсумда ярим ҳимоячи клуб миқёсида барча турнирларда 39 та ўйинда майдонга тушиб, 4 та гол урди ва 1 та голли узатма амалга оширди. Transfermarkt портали Скоттнинг қийматини 50 миллион еврога баҳоламоқда.