Madridning «Real» klubi bosh murabbiyi Joze Mourinyo kelajakda Rodrigoga umid bog‘lamoqda.

25 yoshli vinger mart oyi boshida xochsimon paylari uzilgani sababli safdan chiqqan edi. Futbolchi yangi mavsum boshlanishini o‘tkazib yuboradi. Diario AS nashrining xabariga ko‘ra, Mourinyoga Rodrigoning o‘yini manzur kelmoqda. Portugaliyalik mutaxassis braziliyalik futbolchi jamoaning boshqa hujumkor o‘yinchilaridan farq qiladi deb hisoblaydi – u markaziy hududlarda ijodkorroq va universalroqdir.

Rodrigo o‘tgan mavsumda «qaymoqranglilar» safida 27 ta o‘yinda maydonga tushib, 3 ta gol urdi va 6 ta golli uzatma amalga oshirdi.

Joze Mourinyo yoz boshida Alvaro Arbeloaning o‘rnini egallab, «Real»ga qaytgan edi.