«Bavariya» bilan shartnomasi yakunlangach erkin agentga aylangan 31 yoshli germaniyalik yarim himoyachi Leon Goreska «Barselona»ga o‘tish variantini taklif qildi. Bu haqda insayder Matteo Moretto xabar bermoqda.
Ta’kidlanishicha, futbolchining agentlari Frenki de Yongning Jahon chempionatida olgan tizza jarohati sababli uzoq muddatga (taxminan 4 oy) safdan chiqqanidan foydalanib, «Barselona» bilan bog‘lanishgan. Goreska «Bavariya» va Germaniya terma jamoasida birga ishlagan sobiq murabbiyi Xansi Flik qo‘l ostida yana to‘p surishga qiziqish bildirgan.
Ammo kataloniyaliklar sport direktori Deku ushbu transferni rad etgan. «Barselona» rahbariyati markaziy yarim himoya chizig‘ida yetarlicha tarkib chuqurligi mavjud deb hisoblaydi va bu pozisiyani kuchaytirishni rejalashtirmayapti. Bundan tashqari, Goreskaning yiliga 7 million yevro maosh hamda 10 million yevro atrofida imzo bonusi so‘rayotgani ham o‘tishga to‘sqinlik qilgan.
