«Бавария» билан шартномаси якунлангач эркин агентга айланган 31 ёшли германиялик ярим ҳимоячи Леон Горецка «Барселона»га ўтиш вариантини таклиф қилди. Бу ҳақда инсайдер Маттео Моретто хабар бермоқда.

Таъкидланишича, футболчининг агентлари Френки де Йонгнинг Жаҳон чемпионатида олган тизза жароҳати сабабли узоқ муддатга (тахминан 4 ой) сафдан чиққанидан фойдаланиб, «Барселона» билан боғланишган. Горецка «Бавария» ва Германия терма жамоасида бирга ишлаган собиқ мураббийи Ханси Флик қўл остида яна тўп суришга қизиқиш билдирган.

Аммо каталонияликлар спорт директори Деку ушбу трансферни рад этган. «Барселона» раҳбарияти марказий ярим ҳимоя чизиғида етарлича таркиб чуқурлиги мавжуд деб ҳисоблайди ва бу позицияни кучайтиришни режалаштирмаяпти. Бундан ташқари, Горецканинг йилига 7 миллион евро маош ҳамда 10 миллион евро атрофида имзо бонуси сўраётгани ҳам ўтишга тўсқинлик қилган.