«Barselona» futbolchisi Jerar Martin jamoaning bo‘lajak mavsumdagi maqsadlari haqida gapirib o‘tdi.

Juma kuni «ko‘k-anorranglilar» «Birmingem»ga qarshi o‘rtoqlik o‘yini o‘tkazishdi. Asosiy vaqti 2:2 hisobidagi durang bilan yakunlangan uchrashuvning penaltilar seriyasida kataloniyaliklar imkoniyatni boy berishdi.

«Har bir mashg‘ulotda, har bir o‘yinda o‘zingni ko‘rsatishing kerak. Men «Barsa»ning asosiy tarkibidagi o‘rnimni mustahkamlash uchun kurashaman.

Biz hamma sovrinni yutishni xohlaymiz. Chempionlar ligasi alohida muhim, ammo biz barcha kuboklarni qo‘lga kiritishni istardik», — deydi Martin Barca Universal nashriga bergan intervyusida.

O‘tgan mavsumda «Barselona» La Ligada birinchi o‘rinni egalladi va Ispaniya Superkubogida zafar kuchdi.