«Барселона» футболчиси Жерар Мартин жамоанинг бўлажак мавсумдаги мақсадлари ҳақида гапириб ўтди.
Жума куни «кўк-анорранглилар» «Бирмингем»га қарши ўртоқлик ўйини ўтказишди. Асосий вақти 2:2 ҳисобидаги дуранг билан якунланган учрашувнинг пенальтилар сериясида каталонияликлар имкониятни бой беришди.
«Ҳар бир машғулотда, ҳар бир ўйинда ўзингни кўрсатишинг керак. Мен «Барса»нинг асосий таркибидаги ўрнимни мустаҳкамлаш учун курашаман.
Биз ҳамма совринни ютишни хоҳлаймиз. Чемпионлар лигаси алоҳида муҳим, аммо биз барча кубокларни қўлга киритишни истардик», — дейди Мартин Barca Universal нашрига берган интервьюсида.
Ўтган мавсумда «Барселона» Ла Лигада биринчи ўринни эгаллади ва Испания Суперкубогида зафар кучди.
