«Monako» vingeri Magnes Akliush «Pari Sen-Jermen» klubiga o‘tmoqda. Bir necha kun oldin ma’lum bo‘lganidek, monegasklar 24 yoshli futbolchini parijliklarga 50 million yevroga sotishga rozi bo‘lishgan edi. Insayder Fabrisio Romano bergan xabarga ko‘ra, endilikda futbolchining o‘zi ham yakuniy roziligini berdi — u bilan shartnomaning barcha shartlari bo‘yicha kelishuvga erishildi.

Kelasi haftada Akliush tibbiy ko‘rikdan o‘tadi va «PSJ» bilan 2031 yilning yozigacha mo‘ljallangan shartnoma imzolaydi. Fransiyalik futbolchi «Monako» libosida jami 139 ta o‘yinda maydonga tushib, 23 ta gol urgan va 28 ta golli uzatma muallifiga aylangan. Fransiya terma jamoasi safida esa Magnes 10 ta uchrashuvda 1 ta gol urib, 2 ta assist qayd etgan.