Ispaniyada Joze Mourinyo qo‘l ostida yarim himoyachi Jud Bellingemning madridliklar tarkibidagi taxminiy taktik roli haqida ma’lumot berildi.

Iyun oyida klubga qaytgan portugaliyalik murabbiy angliyalik futbolchini 4-2-3-1 taktik sxemasida «o‘nlik» rolida ishlatmoqchi. Shu bilan birga, Diario AS nashrining qayd etishicha, murabbiy yarim himoyachiga hujumda mutlaqo erkin harakat qilish — jumladan, raqib jarima maydonchasiga yorib kirish huquqini beradi.

Bellingem «Real»dagi debyut mavsumida (2023/24) aynan shunday vazifalarni bajarib, yorqin o‘yin ko‘rsatgan edi: o‘shanda u Karlo Anchelotti jamoasida 42 ta o‘yinda 23 ta gol urib, 13 ta golli uzatma bergan.