Milanning «Inter» klubi «Tottenxem» markaziy himoyachisi Kristian Romero transferiga yaqinlashmoqda.

ESPN Argentina bergan xabarga ko‘ra, klublar argentinalik futbolchining transfer shartlari bo‘yicha og‘zaki kelishuvga erishgan: «neradzurri» 28 yoshli futbolchi uchun «shporlar»ga taxminan 40 million yevro to‘laydi. O‘yinchining o‘zi hali o‘tishga yakuniy roziligini bergani yo‘q, biroq xabarlarga ko‘ra, u transfer amalga oshishi uchun maosh bo‘yicha talablarini kamaytirishga tayyor.

Kristian Romero 2021 yilda kelganidan beri London jamoasi safida barcha musobaqalarda 156 ta o‘yin o‘tkazib, 13 ta gol va 7 ta golli uzatmani o‘z hisobiga yozib qo‘ygan.