Миланнинг «Интер» клуби «Тоттенхэм» марказий ҳимоячиси Кристиан Ромеро трансферига яқинлашмоқда.

ESPN Argentina берган хабарга кўра, клублар аргентиналик футболчининг трансфер шартлари бўйича оғзаки келишувга эришган: «нерадзурри» 28 ёшли футболчи учун «шпорлар»га тахминан 40 миллион евро тўлайди. Ўйинчининг ўзи ҳали ўтишга якуний розилигини бергани йўқ, бироқ хабарларга кўра, у трансфер амалга ошиши учун маош бўйича талабларини камайтиришга тайёр.

Кристиан Ромеро 2021 йилда келганидан бери Лондон жамоаси сафида барча мусобақаларда 156 та ўйин ўтказиб, 13 та гол ва 7 та голли узатмани ўз ҳисобига ёзиб қўйган.