Qanot himoyachisi Joau Kanselu «Barselona» futbolchisiga aylanadi. The Touchline nashrining xabar berishicha, «Al-Hilol» 32 yoshli portugaliyalikning ketishiga «yashil chiroq» yoqdi. Endi Saudiya klubi «ko‘k-anorranglilar» bilan muzokaralar to‘liq yakunlanishini kutmoqda.

Joau Kanseluning «Barselona»ga transfer summasi taxminan 10 million yevroni tashkil etadi.

2025/2026 yilgi mavsumning ikkinchi yarmida Kanselu «Barselona»da ijara asosida to‘p surgan edi. Portugaliyalik futbolchi «ko‘k-anorranglilar» safida o‘tkazgan 65 ta o‘yinida 6 ta gol urgan va 9 ta golli uzatmaga mualliflik qilgan.

«Barselona» yangi mavsumni 23 avgust kuni La Liga doirasida «Elche»ga qarshi safardagi o‘yin bilan boshlaydi.