«Strasbur» Myonxengladbaxning «Borussiya» klubi yarim himoyachisi Jovanni Reynaning transferi bo‘yicha kelishuvga erishdi, deb xabar beradi L'Equipe.

Manba bergan ma’lumotlarga ko‘ra, 23 yoshli amerikalik futbolchining transfer summasi 3 million yevroni tashkil etadi. Tibbiy ko‘rik 3 avgust kuniga rejalashtirilgan.

Reyna 2025 yilning avgustidan beri «Borussiya»da o‘ynab kelmoqda, uning shartnomasi 2028 yilning 30 iyunigacha mo‘ljallangan.

2025/26 yilgi mavsumda yarim himoyachi 20 ta o‘yinda maydonga tushib, 1 ta gol urdi va 1 ta golli uzatmani amalga oshirdi.

Transfermarkt AQSH terma jamoasi o‘yinchisining transfer qiymatini 4 million yevroga baholamoqda.