«Страсбур» Мёнхенгладбахнинг «Боруссия» клуби ярим ҳимоячиси Жованни Рейнанинг трансфери бўйича келишувга эришди, деб хабар беради L'Equipe.
Манба берган маълумотларга кўра, 23 ёшли америкалик футболчининг трансфер суммаси 3 миллион еврони ташкил этади. Тиббий кўрик 3 август кунига режалаштирилган.
Рейна 2025 йилнинг августидан бери «Боруссия»да ўйнаб келмоқда, унинг шартномаси 2028 йилнинг 30 июнигача мўлжалланган.
2025/26 йилги мавсумда ярим ҳимоячи 20 та ўйинда майдонга тушиб, 1 та гол урди ва 1 та голли узатмани амалга оширди.
Transfermarkt АҚШ терма жамоаси ўйинчисининг трансфер қийматини 4 миллион еврога баҳоламоқда.
