«Arsenal» 26/27 yilgi mavsum uchun uchinchi forma to‘plamini taqdim etdi. So‘nggi besh yil ichida ilk bor «kanonirlar» afsonaviy sariq ranglarda to‘p surishadi. Forma dizayni e’tiqod, ambisiya va kreativlikdan ilhomlanilgan, – deyiladi klub relizida.
Yangi forma to‘plami «Arsenalning ruhiy holati» kampaniyasi doirasida amalga oshirildi. Loyihaning asosiy g‘oyasi shundan iboratki, «Arsenal» shunchaki futbol klubi emas, balki futbolchilar va muxlislar avlodlari tomonidan shakllangan fikrlash tarzidir.
