Londonning «Chelsi» klubi rasmiy sayti orqali tajribali yarim himoyachi Jordan Henderson bilan shartnoma imzolanganini e’lon qildi.
36 yoshli angliyalik futbolchi «Brentford»dan «ko‘klar» safiga o‘tdi va klub bilan ikki yillik shartnoma tuzdi.
«Chelsi» matbuot xizmatida shunday deyiladi:
«Biz Angliya terma jamoasi futbolchisi Jordan Henderson bilan shartnoma imzolanganini mamnuniyat bilan e’lon qilamiz. Faoliyati davomida Premyer-liga va UYEFA Chempionlar ligasi kabi sakkizta sovrinni qo‘lga kiritgan yarim himoyachi ikki yillik shartnoma imzoladi va 2026/27 yilgi mavsum oldidan jamoaga qo‘shiladi».
Henderson «Sanderlend» tarbiyalanuvchisi hisoblanadi. U 2011–2023 yillar davomida «Liverpul» sharafini himoya qilib, klub bilan bir qator yirik sovrinlarni qo‘lga kiritgan.
Shuningdek, tajribali yarim himoyachi faoliyati davomida «Koventri Siti», «Al-Ittifoq», «Ayaks» va so‘nggi klubi «Brentford» safida ham to‘p surgan.
