Malik Fofana yozgi transfer oynasida klubini o‘zgartirishi mumkin. Footmercato xabariga ko‘ra, «Lion» hujumchisiga «Atalanta» qiziqish bildirmoqda.

Italiya klubi 21 yoshli belgiyalik futbolchini qanot hujumini kuchaytirish varianti sifatida ko‘rib chiqmoqda. Avvalroq Fofana «RB Leypsig»ning ham e’tiboriga tushgan edi — nemis klubi uni Yan Diomandening ehtimoliy o‘rinbosari sifatida baholamoqda.

O‘tgan mavsum Fofana uchun oson kechmadi: futbolchi jarohatlar sabab ma’lum vaqtni o‘tkazib yubordi, mavsumga tayyorgarlikning qisqarganligi esa unga tezda sport formasiga kirishga xalaqit berdi. So‘nggi o‘rtoqlik o‘yinlarida u maydonda daqiqalar ola boshladi va optimal sport formasiga qaytishga harakat qilmoqda.

Fofana 2024 yildan beri «Lion» sharafini himoya qilib kelmoqda. 2025/26 yilgi mavsumda u klub tarkibida 36 ta o‘yinda maydonga tushib, 11 ta gol urdi va 8 ta golli uzatmani amalga oshirdi. Transfermarkt talqiniga ko‘ra, uning bozor qiymati 30 million yevroni tashkil etadi.