Kristian Romeroning "Tottenxem"dan Milanning "Inter" klubiga o‘tish taqdiri noaniqligicha qolmoqda.
"Neradzurrilar" "shporlar" bilan kelishuv shartlarini kelishib oldi, Romeroning o‘zi esa hatto maosh bo‘yicha talablarini kamaytirdi — u hozirda olayotgan yiliga 6 million yevrolik maoshga rozi. Insayder Fabrisio Romanoning ma’lumotiga ko‘ra, endi hamma narsa "Inter" egalariga bog‘liq bo‘lib turibdi, chunki ular hali yakuniy rozilik berishgani yo‘q.
Italiya klubi argentinalik futbolchi bilan kelishuvni yopishdan oldin o‘z o‘yinchilaridan birini sotib yubormoqchi. Agar bu yaqin haftalarda amalga oshmasa, transfer barbod bo‘lishi mumkin, chunki 28 yoshli futbolchiga boshqa da’vogarlar ham bor.
Avvalroq "Inter" Kristian Romero uchun taxminan 40 million yevro to‘lashi haqida xabar berilgan edi.
