Кристиан Ромеронинг "Тоттенхэм"дан Миланнинг "Интер" клубига ўтиш тақдири ноаниқлигича қолмоқда.
"Нерадзуррилар" "шпорлар" билан келишув шартларини келишиб олди, Ромеронинг ўзи эса ҳатто маош бўйича талабларини камайтирди — у ҳозирда олаётган йилига 6 миллион евролик маошга рози. Инсайдер Фабрицио Романонинг маълумотига кўра, энди ҳамма нарса "Интер" эгаларига боғлиқ бўлиб турибди, чунки улар ҳали якуний розилик беришгани йўқ.
Италия клуби аргентиналик футболчи билан келишувни ёпишдан олдин ўз ўйинчиларидан бирини сотиб юбормоқчи. Агар бу яқин ҳафталарда амалга ошмаса, трансфер барбод бўлиши мумкин, чунки 28 ёшли футболчига бошқа даъвогарлар ҳам бор.
Аввалроқ "Интер" Кристиан Ромеро учун тахминан 40 миллион евро тўлаши ҳақида хабар берилган эди.
