"Galatasaroy" Moskvaning "Lokomotiv" klubi yarim himoyachisi Aleksey Batrakovni sotib olish urinishlarini to‘xtatmayapti. Bu haqda turkiyalik jurnalist Kaya Temel xabar berdi.

Manba xabariga ko‘ra, Istanbul klubi transfer summasini oshirishni va yaqin orada rossiyalik futbolchi uchun "Lokomotiv"ga yangi taklif yuborishni niyat qilgan.

"Galatasaray" transfer summasini oshirgan holda Aleksey Batrakov bo‘yicha yangi taklif bilan chiqadi", — deb yozdi Temel X ijtimoiy tarmog‘ida.

Avvalroq "Lokomotiv" 21 yoshli yarim himoyachini 30 million yevroga baholayotgani, "Galatasaray" esa kelishuvni taxminan 20 million yevroga rasmiylashtirishga umid qilayotgani xabar qilingan edi.

Batrakov 21 yoshda. Uning "Lokomotiv" bilan amaldagi shartnomasi 2029 yilning yozigacha mo‘ljallangan. Transfermarkt ma’lumotlariga ko‘ra, rossiyalik yarim himoyachining bozor qiymati 28 million yevroni tashkil etadi.