«RB Leypsig» direktori Marsel Shefer vinger Yan Diomande yaqin orada «Real»ga o‘tishi haqidagi xabarlar paydo bo‘lgach, insayderlarni uyatga qoldirdi. Sheferning so‘zlariga ko‘ra, 19 yoshli Diomande tez orada «buqalar»ning Avstriyadagi yig‘iniga borib qo‘shiladi.

«Diomande sog‘ayib, o‘zini tayyor his qilishi bilan Avstriyaga yo‘l oladi va jamoamizga qo‘shiladi. Yanning klubimiz bilan shartnomasi bor. U — bizning futbolchimiz», — deydi Sheferning so‘zlarini keltirgan The Touchline.

Dam olish kunlarida Yan Diomande infeksiya sababli «RB Leypsig»ning o‘rtoqlik o‘yinini o‘tkazib yubordi. Ushbu o‘yindan so‘ng jamoa Avstriyaga yo‘l oldi.

Transfermarkt portali Diomandeni 90 million yevroga baholamoqda.