«РБ Лейпциг» директори Марсель Шефер вингер Ян Диоманде яқин орада «Реал»га ўтиши ҳақидаги хабарлар пайдо бўлгач, инсайдерларни уятга қолдирди. Шефернинг сўзларига кўра, 19 ёшли Диоманде тез орада «буқалар»нинг Австриядаги йиғинига бориб қўшилади.

«Диоманде соғайиб, ўзини тайёр ҳис қилиши билан Австрияга йўл олади ва жамоамизга қўшилади. Яннинг клубимиз билан шартномаси бор. У — бизнинг футболчимиз», — дейди Шефернинг сўзларини келтирган The Touchline.

Дам олиш кунларида Ян Диоманде инфекция сабабли «РБ Лейпциг»нинг ўртоқлик ўйинини ўтказиб юборди. Ушбу ўйиндан сўнг жамоа Австрияга йўл олди.

Transfermarkt портали Диомандени 90 миллион еврога баҳоламоқда.