«RB Leypsig» «Sevilya»ni tark etganidan so‘ng erkin agentga aylangan darvozabon Eryan Nyulandning Bundesliga klubiga qaytganini rasman tasdiqladi.

35 yoshli Norvegiya terma jamoasi a’zosi 2028 yilgacha mo‘ljallangan shartnomaga qo‘l qo‘ydi. Bu uning 2022/23 yillar mavsumidagi faoliyatidan so‘ng «Leypsig»dagi ikkinchi davri bo‘ladi.

Nyulandning «Sevilya» bilan amaldagi shartnomasi o‘z nihoyasiga yetgach, u erkin agentga aylandi. Bu esa «Leypsig»ga tajribali darvozabonni hech qanday transfer to‘lovisiz qo‘lga kiritish imkonini berdi. U ko‘p yillar davomida jamoa sharafini himoya qilgan Peter Gulachi ketganidan so‘ng tarkibni kuchaytirishi kutilmoqda.