«РБ Лейпциг» «Севилья»ни тарк этганидан сўнг эркин агентга айланган дарвозабон Эрьян Нюланднинг Бундеслига клубига қайтганини расман тасдиқлади.

35 ёшли Норвегия терма жамоаси аъзоси 2028 йилгача мўлжалланган шартномага қўл қўйди. Бу унинг 2022/23 йиллар мавсумидаги фаолиятидан сўнг «Лейпциг»даги иккинчи даври бўлади.

Нюланднинг «Севилья» билан амалдаги шартномаси ўз ниҳоясига етгач, у эркин агентга айланди. Бу эса «Лейпциг»га тажрибали дарвозабонни ҳеч қандай трансфер тўловисиз қўлга киритиш имконини берди. У кўп йиллар давомида жамоа шарафини ҳимоя қилган Петер Гулачи кетганидан сўнг таркибни кучайтириши кутилмоқда.