«Aston Villa» Madridning «Atletiko» klubi himoyachisi Matteo Rudjerining transferi bo‘yicha faol muzokaralar olib bormoqda. Angliya klubi bitimni yaqin soatlar ichida yakunlamoqchi va endi qaror o‘yinchining o‘ziga bog‘liq.
«Atletiko» Aleks Grimaldo, Morten Yulmann va Li Kan In xaridlaridan so‘ng byudjetni muvozanatlashtirish uchun 24 yoshli italiyalikni sotishga tayyor. Rudjeri «Atalanta»dan 17 million yevroga sotib olingan edi va u foyda bilan jamoani tark etishi mumkin. Uning o‘rniga boshqa o‘yinchi olish talab etilmaydi — chap qanotni Grimaldo yopadi.
Avvalroq Rudjeriga «Yuventus» va «Roma» qiziqish bildirgan edi, ammo «Villa» hal qiluvchi taklifni ilgari surdi. Futbolchi Angliyaga ko‘chib o‘tish va Italiyaga qaytish variantlaridan birini tanlamoqda.
