«Yuventus» Randal Kolo-Muani bilan shartnoma imzolaganidan so‘ng hujum chizig‘ini kuchaytirish borasidagi ishlarni davom ettirmoqda va «Manchester Yunayted» hujumchisi Joshua Zirkzeeni o‘z safiga qo‘shib olishga umid qilmoqda.
Jurnalist Janluka di Marsioning o‘z saytida xabar berishicha, Turin klubi futbolchining agenti bilan faol muzokaralar olib bormoqda. Ma’lum qilinishicha, Angliya klubi 25 yoshli niderlandiyalik futbolchini ijaraga qo‘yib yuborishga rozilik berib bo‘lgan.
Qo‘shimcha qilish joizki, Zirkzee ilgari «Bolonya» safida to‘p surgan va A Seriya bilan yaxshi tanish. Hujumchi 2024 yilning yozida «Manchester Yunayted»ga o‘tgan edi. O‘sha vaqtdan beri u jamoa safida 75 ta o‘yin o‘tkazib, 9 ta gol urdi va sheriklariga 4 ta assist amalga oshirdi.
