«Ювентус» Рандаль Коло-Муани билан шартнома имзолаганидан сўнг ҳужум чизиғини кучайтириш борасидаги ишларни давом эттирмоқда ва «Манчестер Юнайтед» ҳужумчиси Жошуа Зиркзеени ўз сафига қўшиб олишга умид қилмоқда.
Журналист Жанлука ди Марционинг ўз сайтида хабар беришича, Турин клуби футболчининг агенти билан фаол музокаралар олиб бормоқда. Маълум қилинишича, Англия клуби 25 ёшли нидерландиялик футболчини ижарага қўйиб юборишга розилик бериб бўлган.
Қўшимча қилиш жоизки, Зиркзее илгари «Болонья» сафида тўп сурган ва А Серия билан яхши таниш. Ҳужумчи 2024 йилнинг ёзида «Манчестер Юнайтед»га ўтган эди. Ўша вақтдан бери у жамоа сафида 75 та ўйин ўтказиб, 9 та гол урди ва шерикларига 4 та ассист амалга оширди.
