«Galatasaray» hujumchisi Viktor Osimxen yozgi transfer oynasida Madridning «Atletiko» klubiga taklif qilingan edi. Bu haqda Goal portali xabar bermoqda.

27 yoshli futbolchining vakillari vositachilar orqali «matraschilar» nigeriyalik o‘yinchi o‘tishini taxminan 75 million yevro evaziga rasmiylashtirishlari mumkinligini bildirishgan. Osimxenning o‘zi Diyego Simeone jamoasiga qo‘shilish uchun maoshi kamaytirilishiga ham rozi bo‘lgan.

Biroq «Atletiko» muzokaralarni davom ettirmadi. Klubdagilar hozircha bunday bitim uchun yetarli moliyaviy imkoniyatlarga ega emasliklarini hamda markaziy hujumchi pozisiyasida to‘liq Xulian Alvaresga tayanishlarini ta’kidlashgan.

«Atletiko»dan tashqari, Osimxenning xizmatlari Yevropaning boshqa top-klublariga, jumladan «Barselona», «Tottenxem» va «Arsenal»ga ham taklif qilingan. O‘tgan mavsumda nigeriyalik forvard 33 ta o‘yinda 22 ta gol va 8 ta golli uzatmaga mualliflik qilgan.