Polshalik darvozabon Voysex Shesni nafaqat o‘zining ajoyib o‘yinlari, balki sportchi uchun xos bo‘lmagan odati — chekishi bilan ham tanilgan. U tamaki tutunini hidlashni yaxshi ko‘rishini yashirib o‘tirmaydi. Biroq Shesni boshqalarga bunday qilmaslikni tavsiya etadi — chekish sog‘liq uchun zararli, deya eslatib o‘tdi «Barselona» posboni.
«Menda o‘zimdan ham kuchliroq bo‘lgan bir odat bor. Boshqa futbolchilarning ham o‘z illatlari bor — nikotin, alkogol va qimor o‘yinlari kabi. Men hech kimga chekishni tavsiya qilmagan bo‘lardim. Bu zararli. Men buni tushunaman, ammo hech narsa qila olmayman», — dedi Shesni.
Voysex 2024 yildan beri Kataloniyaning «Barselona» klubi sharafini himoya qilib kelmoqda.
