«Arsenal» bosh murabbiyi Mikel Arteta o‘rtoqlik o‘yinida «Betis»dan uchragan mag‘lubiyatga (1:3) izoh berdi. O‘yin Irlandiyaning Dublin shahridagi «Aviva» stadionida bo‘lib o‘tdi.

«Eng muhimi — g‘alaba, biz esa buni uddalay olmadik, shu sababli, albatta, natijadan hafsalamiz pir bo‘ldi. Shu bilan birga, kontekstni ham hisobga olish kerak — bugun 25 nafar futbolchi maydonga tushdi. Birinchi bo‘limda maydonda asosiy tarkib o‘yinchilari ko‘proq bo‘lganida, o‘yinimizning ikki xil tomoni ko‘rindi — to‘p bilan qanday harakat qilganimiz va qanday kurashganimiz.

Bizda juda ajoyib o‘yin bosqichlari bo‘ldi, ammo himoyada, ayniqsa o‘z jarima maydonchamizda va uning atrofida qanday harakat qilganimiz biz o‘rganib qolgan standartlarga to‘g‘ri kelmaydi. Yaxshilanishi kerak bo‘lgan narsalar borligi ayon. Shu bilan birga, ijobiy lahzalar ham bo‘ldi. Ba’zida yomon natija hatto foydali — u ichki olovni yanada kuchliroq yoqishi mumkin», — deydi Artetaning so‘zlaridan iqtibos keltirgan klub rasmiy sayti.

APL mavsumi juma kuni, 21 avgustda boshlanadi. Ispaniya chempionati esa bir hafta oldin — kelasi shanba, 15 avgustda start oladi.