«Lids» «Manchester Siti» darvozaboni Jeyms Trafford transferini yakunlashga yaqin turibdi.

23 yoshli darvozabon yangi jamoasida tibbiy ko‘rikdan o‘tdi. Klublar shuningdek hujjatlarni ham almashishdi. O‘yinchining transferi «Lids» uchun rekord darajadagi xarid bo‘lishi kerak. Avvalroq «oqlar» 23 yoshli darvozabonning o‘tishi uchun 40 million funt plyus turli bonuslar to‘lashi, futbolchining o‘zi esa yangi klub bilan uzoq muddatli shartnoma imzolashi haqida xabar berilgan edi.

Darvozabonning o‘tishiga «Nyukasl» ham qiziqish bildirgan edi. «Qarg‘alar» «shaharliklar» bilan aloqa o‘rnatishgandi. Traffordning ortidan shuningdek «Aston Villa» va «Tottenxem» ham kuzatuv olib borishgan. Avvalroq darvozabon uchun kurashda «Chelsi» va «Liverpul» peshqadamlik qilayotgan edi.

Trafford o‘tgan yozda «Byornli»dan 27 million funt evaziga «Manchester Siti»ga o‘tgan va o‘tgan mavsumda klub safida sirasiga 17 ta o‘yinda maydonga tushib, 13 ta gol o‘tkazib yuborgan edi. Djeyms Angliya terma jamoasining JCH-2026 uchun qaydnomasiga kiritilgan, ammo butun turnirni zaxira o‘rindig‘ida o‘tkazgan.

«Lids» APLning o‘tgan mavsumida 47 ochko to‘plab, 14-o‘rinni egalladi. Angliya chempionatining yangi mavsumi birinchi turida Daniel Farke jamoasi 22 avgust kuni «Nottingem Forest» bilan kuch sinashadi.