«Лидс» «Манчестер Сити» дарвозабони Жеймс Траффорд трансферини якунлашга яқин турибди.
23 ёшли дарвозабон янги жамоасида тиббий кўрикдан ўтди. Клублар шунингдек ҳужжатларни ҳам алмашишди. Ўйинчининг трансфери «Лидс» учун рекорд даражадаги харид бўлиши керак. Аввалроқ «оқлар» 23 ёшли дарвозабоннинг ўтиши учун 40 миллион фунт плюс турли бонуслар тўлаши, футболчининг ўзи эса янги клуб билан узоқ муддатли шартнома имзолаши ҳақида хабар берилган эди.
Дарвозабоннинг ўтишига «Ньюкасл» ҳам қизиқиш билдирган эди. «Қарғалар» «шаҳарликлар» билан алоқа ўрнатишганди. Траффорднинг ортидан шунингдек «Астон Вилла» ва «Тоттенхэм» ҳам кузатув олиб боришган. Аввалроқ дарвозабон учун курашда «Челси» ва «Ливерпуль» пешқадамлик қилаётган эди.
Траффорд ўтган ёзда «Бёрнли»дан 27 миллион фунт эвазига «Манчестер Сити»га ўтган ва ўтган мавсумда клуб сафида сирасига 17 та ўйинда майдонга тушиб, 13 та гол ўтказиб юборган эди. Джеймс Англия терма жамоасининг ЖЧ-2026 учун қайдномасига киритилган, аммо бутун турнирни захира ўриндиғида ўтказган.
«Лидс» АПЛнинг ўтган мавсумида 47 очко тўплаб, 14-ўринни эгаллади. Англия чемпионатининг янги мавсуми биринчи турида Даниэль Фарке жамоаси 22 август куни «Ноттингем Форест» билан куч синашади.
