«PSJ» hujumchisi Ibraima Mbaye yangi mavsumda jamoada muhimroq rol o‘ynashni istagan edi, ammo endi u klubini o‘zgartirishni rejalashtirmoqda, deb xabar beradi L'Equipe.

Manba bergan ma’lumotlarga ko‘ra, 18 yoshli senegallik futbolchi JCH-2026dan so‘ng Fransiyada qolishni niyat qilgan edi. Biroq Parij klubi sport direktori Luish Kampush va bosh murabbiy Luis Enrike unga maydondagi daqiqalari avvalgidek qolishini tushuntirishgan. Ijaraga o‘tish varianti esa futbolchining o‘ziga taklif qilingan.

Avvalroq OAVda Mbayega «Liverpul» va «Bayer» klublari tomonidan qiziqish borligi haqida xabarlar tarqalgan edi.

Futbolchining amaldagi shartnomasi 2028 yilgacha mo‘ljallangan. Transfermarkt portali uning transfer qiymatini 30 million yevroga baholamoqda.

2025/26 yilgi mavsumda Mbaye barcha turnirlarda 31 ta o‘yinda maydonga tushib, 3 ta gol urgan va 2 ta golli uzatmani amalga oshirgan. JCH-2026 turnirida esa u 4 ta uchrashuvda 1 ta gol muallifiga aylangan.