«Marsel» himoyachisi Fakundo Medina faoliyatini Leverkuzenning «Bayer» klubida davom ettiradi, deb xabar beradi L’Équipe.

Klublar transfer summasi bo‘yicha kelishuvga erishgan. «Bayer» argentinalik futbolchi uchun 23 million yevro kafolatlangan mablag‘ va yana 2 million yevro bonus sifatida, umumiy hisobda 25 million yevro to‘laydi.

27 yoshli argentinalik himoyachi Germaniya klubi bilan shaxsiy shartnoma shartlarini kelishib olgan. U ta’tildan qaytganidan so‘ng 5 yillik shartnomaga imzo chekishi kutilmoqda.

L’Équipe ta’kidlashicha, leverkuzenliklarning birinchi taklifi rad etilgan edi, ammo ikkinchi bildirilgan taklif «Marsel» rahbariyatini qanoatlantirdi.