«Manchester Yunayted» shu yozda akademiyaning kamida uch nafar tarbiyalanuvchisi bilan to‘liq xayrlashishga va U-21 jamoasining katta qismini ijaraga yuborishga tayyorlanmoqda.
Den Gor, Tobi Kolliyer va Harri Amass jamoadan ketishi kutilayotgan asosiy nomzodlar hisoblanadi. Jeykob Devani va Chido Obi esa ijaraga berilishi mumkin. «MYU» bilan shartnomasi yakunlanib borayotgan 19 yoshli Amass uchun Chempionship klublari taxminan 6 million funt to‘lashga tayyor.
21 yoshli Den Gor o‘tgan mavsumda «Roterhem Yunayted»da ijarada muvaffaqiyatli harakat qilgan bo‘lsa-da, «MYU»ning asosiy tarkibidagi yagona rasmiy o‘yinini 2023 yilning sentyabrida «Kristal Pelas»ga qarshi o‘tkazgan edi.
Shuningdek, chexiyalik darvozabon Radek Vitek 7 million funt evaziga «Midlsbro»ga o‘tishga yaqin turibdi.
Klubda faqat Shi Leysi, Jey Jey Gabriel hamda aka-uka Fletcherlar kabi eng iqtidorli yoshlargina «daxlsiz» sifatida saqlab qolinadi.
