«Atletiko» «Tottenxem»ga himoyachi Kristian Romero bo‘yicha yangi taklif tayyorlamoqda.

Avvalroq argentinalik futbolchi «matraschilar» bilan yana bir mavsumga uzaytirish opsiyasi bilan 2030 yilgacha mo‘ljallangan shartnomani kelishib olgan edi. Romeroning maoshi yiliga 6 million yevroni tashkil etadi.

«Atletiko» himoyachi uchun kurashda peshqadamlik qilmoqda, ammo «shporlar» bilan hali kelishuvga erishgani yo‘q. «Tottenxem» Romero uchun 40-45 mln yevro so‘ramoqda, o‘yinchining o‘zi esa ko‘chib o‘tish istagini bildirib bo‘lgan.

O‘tgan mavsumda Kristian Romero barcha turnirlarda 32 ta o‘yin o‘tkazib, o‘z hisobiga 6 ta gol va 4 ta assist yozdirib qo‘ydi. Himoyachi tizzasidan olgan jarohati sababli klub mavsumining yakunini o‘tkazib yubordi. Argentina terma jamoasi tarkibida Romero Jahon chempionati-2026 finaligacha yetib bordi, turnirda 7 ta o‘yin o‘tkazib, 1 ta gol va 1 ta assist muallifiga aylandi.

«Atletiko» Primeraning o‘tgan mavsumini to‘rtinchi o‘rinda yakunladi. Ispaniya chempionatining yangi mavsumi 1-turida Diyego Simeone jamoasi 19 avgust kuni «Malaga»ni qabul qiladi.