«Uotford» sport direktori Lyuk Douling klub «Manchester Siti» bilan himoyachi Stiven Mfunini «Vikarij Roud»ga qaytarish bo‘yicha muzokaralarni davom ettirayotganini tasdiqladi.

«U Natan Ake singari chap oyoqda o‘ynaydi, chap qanot va markaziy himoyada harakat qila oladi. Shu sababli «Siti» uni jamoada olib qolishga qaror qilsa, bu men uchun hech qanday kutilmagan hol bo‘lmaydi», — dedi Douling BBC Three Counties Radio efirida «Siti»ning Ake o‘rnini bosish ehtiyojiga to‘xtalib.

Mfuni o‘tgan mavsumda «Uotford»da ijarada o‘ynab, ijobiy taassurot qoldirgan va «Siti»ning Osiyodagi mavsum oldi turida faol ishtirok etgan.

Shuningdek, Douling hujumchi Nestori Irankundaning Lissabonning «Sporting» klubiga o‘tishi mumkinligini aytdi. Klub raisi Skott Daksberi uni jamoada olib qolishni istayotganiga qaramay, Avstraliya terma jamoasi a’zosi jamoani tark etishi mumkin. «Uotford» yangi hujumchi sotib olishga qiziqish bildirmoqda, ammo jamoa uchun markaziy himoyachini kuchaytirish eng ustuvor vazifa bo‘lib turibdi.