«Уотфорд» спорт директори Люк Доулинг клуб «Манчестер Сити» билан ҳимоячи Стивен Мфунини «Викариж Роуд»га қайтариш бўйича музокараларни давом эттираётганини тасдиқлади.

«У Натан Аке сингари чап оёқда ўйнайди, чап қанот ва марказий ҳимояда ҳаракат қила олади. Шу сабабли «Сити» уни жамоада олиб қолишга қарор қилса, бу мен учун ҳеч қандай кутилмаган ҳол бўлмайди», — деди Доулинг BBC Three Counties Radio эфирида «Сити»нинг Аке ўрнини босиш эҳтиёжига тўхталиб.

Мфуни ўтган мавсумда «Уотфорд»да ижарада ўйнаб, ижобий таассурот қолдирган ва «Сити»нинг Осиёдаги мавсум олди турида фаол иштирок этган.

Шунингдек, Доулинг ҳужумчи Нестори Иранкунданинг Лиссабоннинг «Спортинг» клубига ўтиши мумкинлигини айтди. Клуб раиси Скотт Даксбери уни жамоада олиб қолишни истаётганига қарамай, Австралия терма жамоаси аъзоси жамоани тарк этиши мумкин. «Уотфорд» янги ҳужумчи сотиб олишга қизиқиш билдирмоқда, аммо жамоа учун марказий ҳимоячини кучайтириш энг устувор вазифа бўлиб турибди.