«Milan»ning 27 yoshli portugaliyalik hujumkor vingeri Rafael Leau faoliyatini Angliya Premyer-ligasida davom ettirishi mumkin.

talkSPORT nashri insayderi Ben Jeykobsning xabar berishicha, futbolchining agentlari va vakillari Leauning xizmatlarini bir nechta ingliz klublariga, jumladan «Lids Yunayted», «Manchester Yunayted» va «Arsenal»ga taklif qilishgan. Futbolchining o‘zi APLga ko‘chib o‘tishga qarshi emas. Ammo transferning juda qimmatligi va moliyaviy shartlar sababli, ushbu grandlardan birortasi «Milan»ga rasmiy taklif bilan chiqishi dargumon.

Ayni vaqtda portugaliyalik futbolchiga Turkiyaning «Fenerbahche» va «Galatasaroy» klublari tomonidan jiddiy qiziqish bildirilmoqda.

O‘tgan 2025/26 yilgi mavsumda Leau «Milan» tarkibida barcha turnirlarda 31 ta o‘yinda maydonga tushib, 10 ta gol urgan va 3 ta golli uzatmaga mualliflik qilgan.