«Милан»нинг 27 ёшли португалиялик ҳужумкор вингери Рафаэл Леау фаолиятини Англия Премьер-лигасида давом эттириши мумкин.

talkSPORT нашри инсайдери Бен Жейкобснинг хабар беришича, футболчининг агентлари ва вакиллари Леаунинг хизматларини бир нечта инглиз клубларига, жумладан «Лидс Юнайтед», «Манчестер Юнайтед» ва «Арсенал»га таклиф қилишган. Футболчининг ўзи АПЛга кўчиб ўтишга қарши эмас. Аммо трансфернинг жуда қимматлиги ва молиявий шартлар сабабли, ушбу грандлардан бирортаси «Милан»га расмий таклиф билан чиқиши даргумон.

Айни вақтда португалиялик футболчига Туркиянинг «Фенербаҳче» ва «Галатасарой» клублари томонидан жиддий қизиқиш билдирилмоқда.

Ўтган 2025/26 йилги мавсумда Леау «Милан» таркибида барча турнирларда 31 та ўйинда майдонга тушиб, 10 та гол урган ва 3 та голли узатмага муаллифлик қилган.