«Manchester Yunayted» hujumchisi Benyamin Sheshko mavsum oldi o‘rtoqlik uchrashuvlarida hali maydonga tushmaganiga qaramay, vahimaga hech qanday sabab yo‘q. Manchester Evening News (MEN) jurnalisti Stiven Reylston bergan ma’lumotlarga ko‘ra, sloveniyalik forvardning tiklanish jarayoni reja bo‘yicha kechmoqda.
23 yoshli futbolchi 22 avgust, shanba kuni Premyer-liganing yangi mavsumi 1-turidan o‘rin olgan «Xall Siti»ga qarshi bahsgacha to‘liq safga qaytishi kutilmoqda.
Sheshko o‘tgan mavsumning 3 may kuni «Liverpul»ga qarshi kechgan o‘yinda (3:2) orttirib olingan boldir jarohatini qaytalatib olgan edi. Hozirda u Kerringtondagi o‘quv-mashg‘ulot bazasida tiklanish jarayonining navbatdagi bosqichini o‘tamoqda va maydonda yakka tartibda mashg‘ulotlarni davom ettirmoqda.
